علاج السمنة بالجراحة{3}

موضوع: علاج السمنة بالجراحة{3} 21.05.08 11:55

3.تقليص حجم المعدة

والعملية دى حلت محل تقليص حجم الإمعاء وأعطتنا نفس النتيجة المرضية
لكنها قدمت لى خدمة بإنها ما عملتش نفس الأعراض الجانبية المرعبة بتاعة تقليص الأمعاء
طيب

بأقلصها إزاى
يابحط فيها بالونة منفوخة يا إما بقسمها قسمين بشكل جراحى معين بحيث يكون فيه قسم منها نشط وقسم خامل (وهو جزء كبير)
خامل يعنى الأكل ما بيوصلهوش ولا بيتحوش فيه

طيب إحنا عارفين إن المعدة ما بيحصلش فيها إمتصاص للطعام وإنها العضو المختص بالطحن والخلط وخلافه هيفيدنى ايه بقى إنى أقلل حجمها
هيفيد إن بدل لما يكون البنى آدم معدته كبيرة تبقى صغيرة فياكل كمية قليلة
يعنى بإختصار لو البنى آدم ما كانش قادر يتحكم فى كمية أكله بمزاجه هيتحكم فيها غصبن عنه بالعملية دى

الوزن برضه بيقل فى أول سنة ولا سنتين وبعدين يثبت فى مكانه وما يقلش
طيب يا ترى ليها أعراض جانبية
ايوة بس تعتبر بسيطة لو قارناها بتقليص الأمعاء
مجرد قئ و غثيان

فيه بقى حاجات المفروض تتعمل بعد العملية دى
 تناول كميات كافية من البروتينات، والفيتامينات، والمواد المعدنية.
 التدرب على الأكل البطيء والمضغ الجيد للطعام.
 التأكيد على المريض بأن نقصان الوزن لن يكون فاعلا بعد مرور سنتين على العملية وبالتالي على المريض الالتزام الحرفي بإرشادات الطبيب لضمان استمرارية النتائج.
 ممارسة النشاط الحركي المنتظم بعد العملية والحرص على تبني عادات غذائية صحية وصحيحة